Ave Digital Museum
Raqamiy müzeyler çoqtan berli medeniy alanıñ bir parçası oldı. Olar mirasnı daa da irişilebilir yapa: raqamlaştırılğan kollektsiyalar, yol kitapları ve sergilerniñ malümatın cep telefonı vastasınen baqmaq mümkün.
Amma bizler, hatıralar telükege oğrağan bir zamanda yaşaymız. Bir qısmı fizikiy yoq etilüv telükesi altında buluna, digerleri işğalden ya da faal cenk areketlerine yaqın olğanı sebebinden qullanılamaz. Bu vaziyette, raqamiy müzey yañı bir rol ala — o, şimdi ziyaret etilmesi imkânsız olğan yer ve obyektlerge pencere ola.
Şimdi biz kelecek üç sergi üzerinde çalışamız: "Donetsk vilâyeti: yeñilmez ve zapt etilmegen", "Ukrayin Aşramı" ve "YOQ ETİLGENLER".
Donetsk vilâyeti abideleri — sadece yol işaretleri olmay. Bu, canlı arhivdir.
Yıllar devamında olar Donetsk vilâyetine ya da ondan ketkenler içün esas köçstergiç edi. Göñülliler, arbiy hızmetçiler, Donetsk vilâyetiniñ sakinleri olarnıñ üzerinde yazılar, stikerler, imzalarnı seyaat hatırası ya da qaytmaq vadesi olaraq qaldıra ediler. Yıllar içinde yüzlerce böyle işaret peyda oldı.
Pokrovsk rayonındaki Donetsk vilâyeti abidesi cebe sızığından 20 km-den az mesafede yerleşe. Yazılar küneşten yoq ola, yağmurlarnen temizletile, yañı qatlamlarnen örtüle — bir qısmı endi ğayıp oldı. Biz fotoresim arhivlerini toplaymız, saqlanğan er bir izni raqamlandıramız ve 3D interaktiv müzey şeklinde abideniñ deñişüvleri hronologiyasını qayd etemiz.
Kelecekte Kramatorsk rayonındaki abidege de leyhanı kenişletmege planlaştıramız.
Raqamlandırılğan abideler leyhasına nasıl qatılmaq mümkün olğanını ögreniñiz
t.me
Ukrayin Aşramı — cenkniñ qıyınlıqlarını başından keçirgen İndistan diasporasınıñ ikâyesidir.
Onlarca yıl devamında İndistan halqlarınıñ vekilleri Ukraiynada oyun mektepleri, diniy cemiyetler, icadiy merkezlerni qurdılar. Olarnıñ medeniyeti — bu Kıyiv sanasındaki bharatanatyam, Harkiv dairesindeki Bengal şiiriyeti, bir-de-bir ustahanede bulunğan dekorativ sanat. Tolu miqyasl istilâ neticesinde, cemiyetniñ bir qısmı topraqnı terk etti, bir qaç mektep qapatıldı — ve bu misaller ebediyen ğayıp ola bile.
"Ranganatha" ortaq teşkilâtımıznen diaspora temsilcileriniñ intervyusını alıp, olarnıñ sanat eserlerini — elyazma ve kiyimlerinden çıqışlarınıñ qaydlarına qadar — raqamlaştırıp, açıq irişimde derc etmege planlaştıramız. Bütün malümatlar ukrayin, ingliz ve ind tillerinde derc etilecek: böylece İndistanda da bu toplulıq aqqında rus menbalarından degil de, birinci ağızdan ögrenecekler.
YOQ ETİLGENLER — Ukrayina, Belarus ve etnik topraqlarınıñ ğayıp olğan hatıralarıdır.
Cenk, işğal ve lâqaytlıq neticesinde ukrayin, qırımtatar ve belarus halqlarınıñ yüzlernen obyekti haritadan silindi — diniy binalardan başlap, bütün meskün yerlerge qadar.
Arhivler, haritalar, resimler ve çizimler vastasınen olarnı raqamlı şekilde ğayrıdan qurmağa planlaştıramız. İlk evelâ, binalarnıñ ayatınıñ farqlı basamaqlarında fizikiy modelleri yapılması planlaştırıla, soñra ise, fotorhronika, ses ve tarihiy kontekst qoşıp, raqamiy sergi ve videolar içün skan etilecek.
Biz fizikiy maketlerni devlet müzeylerine beremiz ya da auktsionlarda satamız, paralarnı ise Ukrayinanıñ yañından qurulması içün hayriye teşkilâtlarına yollaymız.
Ave Digital Museumnı ozğarğan ve sergiler vaqtında qullanılğan bilgilerni qayd etken Ave Digital Archive aqqında da ögreniñiz.